geguritan 10

      1.     Tatune angkasa

Angkasa katon peteng ireng

Thathite menclorong mbelah langit

Gumleger suwara gludhug

Kaya-kaya langite arep amleg

Lintange ora wani ngetok

Rembulane anteng ana mburi mega-mega ireng

Wengi peteng kebak tangis

Tangise para dewa nyaksekake manungsa

Manugsa kang gawe rusakke donya

Amuk sang angkasa weruh kancane disiya-siya

      2.    Curug

Gemrojog suwara banyu

Suwara banyu tiba nubruk watu

Nyiprat-nyiprat nelesi godhong-godhong waru

Mili dadi kali bening

Mampir ana sawah-sawahe para warga

Nguripi wit pari

Banjur lunga ninggal sawah anuju segara

     3.    Kawula Dasih

Namung kawula

Kawula sing nrima

Nrima kahanan kang adoh saka kasugihan donya

Nrima meneng kena alane para panguwasa

Namung dadi kawula

Duwe gawe kanggo nyenengke bendara nagara

Omonganmu rindhik ora dirungu

Pancen dadi kawula sing dasih

Emboh apa kuwi kawula dasih

Ngertine kuwi namung wis dadi kawula dasih

Kawula sing ngabdi karo nagara sing sugih

     4.    Kudhung biru

Kudhung biru kang ayu

Ayu kaya widadari lagi padha gumuyu

Mlakune nglambe-nglambe njaluk dialem

Njawel-njawel pengen disandhing

Kudhung biru pengen dituku

Digawa bali banjur dinggo mlaku-mlaku

Mesam-mesem saya ayu

Bungah tenan dadi sesenengan

      5.    Pahlawane para Mahasiswa

Mahasiswa saiki ki wis padha mulya

Apa tenan kuwi mulya?

Mulya apane

Pangan kerepe iya mi

Emboh sing goreng apa sing ana duduhe

Mi kuwi wis kaya pahlawane para mahasiswa

Terus-terusan rewang nalika weteng mahasiswa padha ngelih

Murah tur wareg

Nanging pahlawan apa yen gawe memala

Wareg iya, ngirit iya

Nanging apa iya sehat?

Emboh...

Ngertine namung warege wae