geguritan 3

1.     Mbah Kakung lan Mbah Putri

Lungguh  ana dhipan lawas

Krengket-krengket nalika dilungguhi mbah kakung lan mbah putri

Lungguh jejer ngedhep tela godhog kang iseh kemebul

Dikancani wedang teh pait

Nanging dadi legi kena eseme mbah kakung lan mbah putri kang ngujiwat

Sunar-sunar srengenge nrobos bolongan-bolongan gedheg

Kang nambai angete esuk kuwi

Ora prelu sarapan kang ‘empat sehat lima sempurna’

Trima tela lan teh tanpa gula

Mbah kakung lan mbah putri wis atur sokur marang Kang Kuwasa

2.    Dodol Janganan

Rina wengi tansaya sepi

Suwara jangkrik dadi lelagon kang nesepi ati

Tangi nalika liyane padha katrem inga alam impi

Krusak-krusek ana pawon

Nyiapake dodolan kanthi alon-alon

Banjur nuntun onthel menyang pasar

Dhasar janganan nganti wengine bubar

Nganti semburat abang katon ing babg-babg wetan

Terus bali nalika donyane wis padhang

Nyepakake sarapan kanggo anak-anakke sing digadhang

3.    Garisan

Dawa ana angkane

Sing cendhak uga ana angkane

Dawa cendhak padha gunane

Plastik, kayu, apa wesi

Padha-padha kanggo nggarisi

Nanging ora nggarisi uripe manungsa

Arep nggaris lurus apa miring

Kabeh tetep dadi garis sing lurus

Marga garisan gunane kanggo gawe garis sing lurus

Sing miring kuwi sajake tetep garis lurus

Namung arahe wae  sing beda

Ana lurus sing maju, munggah, lan nyerong

Mangkono uga atine manungsa

Kabeh ati kuwi lurus

Emboh luruse sing nandi

Lurus kang anuju bener, apa lurus kang anuju salah

Lurus apikke, apa lurus alane

4.    ASU

Apa kuwi asu?

Mesthi padha ngecapyen asu kuwi ala tur saru

Sajake asu kuwi apa ta?

Jeneng kewan ta?

Kena apa kok dadi ala?

Dadi ala yen ora trep panggonane

Nanging yen trep iya apik-apik wae

Ora dadi omongan kang ora becik

Supaya nalika omong asu ora banjur dadi saru

Asu malih saru lan ala nalika dipasangake kanggo manungsa

Jengeng asu kanggo asu kuwi ora saru

Jeneng asu dadi ala yen kanggo manungsa

5.    Laptop

Dibukak byak..

Layare katon cemlorot

Pucuking driji awit ndumuk-ndumuk kothakan

Kothakan kang diarani mouse

Mlaku ngalor ngidul, ngetan ngulon, dadi mosak masik

Golek file kang dikarepake

Klik kana klik kene mbukaki folder siji lan sijine

Banjur ditutup nalika wis cukup

Ganti liyane

Ngetik siji baka siji huruf gawe tembung

Dadi kalimat rang garapane

Driji mlumpat rana rene nggranyangi sakarepe dhewe

Ora protes, ora misuh, namung meneng wae

Nrima polah lampah bendarane

Sing kadhang ora aji nggunakake